viernes, 3 de febrero de 2012

COEDIS, a distribuidora que levaba Retranca aos quioscos está en CONCURSO DE ACREEDORES


Coedis SL era coñecida hai uns anos como a editora Zinco, e foi a encargada de publicar os tebeos de DC en España , entre outras cousas.Anos máis tarde converteuse en Coedis distribucións e levou durante anos a distribución de centos de revistas entre elas El jueves, ata que RBA mercou a revista catalana e comezou a distribuila SGEL. Actualmente encargábase de levar aos quioscos todas as publicacións editadas por MC (que actualmente está Concurso de Acreedores) e outras publicacións doutros editores, entre elas as nosas revistas Retranca e Fiz.

A mala nova radica en que entrou en concurso de acreedores e  deixou de pagar a todos os seus proveedores, RETRANCA EDITORA SL. entre elles.Por mor disto seguramente máis  dunha editorial pechará e arrastrará consigo a imprentas que a súa vez levará canda ela algunha papeleira, encadernadora, etc. 

Nós contactamos onte co distribuidor, e o desconcerto entre a xente que traballan alí é xeral. “Nos han abandonado, se han ido con todo el dinero”, díxonos unha das empregadas coas que levamos traballando dende que comezamos a editar Retranca.

No noso caso ainda que o dano está por calcular, cremos que o dano rondará os 20.000 euros.

Isto déixanos nunha situación complicada, xa que Retranca é unha empresa pequena montada cos aforros que pode ter un debuxante profesional como son eu.  O grande problema é que Coedis acaba de deixar a Retranca sen liquidez. Contabamos con cobrar o día 10 de febreiro un Pagaré que nos enviara a distribuidora, pero témome de que xa non terá fondos. Ademais Coedis a día de hoxe débenos as liquidacións das ventas dos últimos 4 números.

A situación é complicada, co cal pido a todo o mundo un pouco de paciencia. O nº 34 que xa tiñamos a piques de entrar en imprenta vaise retrasar nos quioscos ata que atopemos un novo distribuidor. Estou traballando para que Retranca poida sair adiante... van ser uns meses duros pero tede por seguro que non lle fallarei a ninguén, a ningún dos meus colaboradores e amigos, e a vos, os lectores que fixéchedes posíbel que  Retranca leve máis de 4 anos saíndo aos quioscos galegos de maneira completamente independente.


Moitas grazas a todos/as polo voso apoio.
KIKO DA SILVA
Editor de RETRANCA.

miércoles, 23 de noviembre de 2011

RETRANCA Nº 33: 20-N A FIN DO MUNDO XA ESTÁ AQUÍ!!!


Enganáronnos... o que realmente se adiantou non foron as eleccións, foi a chegada da Fin do Mundo. Ainda que moitos escépticos sigan decindo que os Maias pronosticaron a fin do mundo para o 2012, porque foi a última data que lles collía na pedra onde gravaron as súas apocalípticas prediccións... o certo é que xa é indiscutible que o mundo cada día está peor.

E se o mundo está feito unha merda, Galicia está moito peor... os síntomas de que a fin está cerca son clarísimos: O NOVO PRESIDENTE DO GOBERNO É GALEGO, vai ser un show ver a Rajoy tomando decisións á galega ante as presións da Merkel. (RAJOY:- Merda!! teño que aprender idiomass... o libro de instruccións para sacar a España da crise está escrito en Alemán!!).

En Galicia xa víamos dende hai meses como chegaba a fin das Caixas... estaba claro que TRAS A FUSIÓNS DAS CAIXAS... CHEGARÍA A FUSIÓN DO NÚCLEO.


Outros síntomas de que chega a fin do mundo é que Fraga acaba de xubilarse... e a Xunta decidiu PARALIZAR A CONSTRUCCIÓN DA CIDADE DA CULTURA!!!


Polo tanto non vos podedes perder este número de RETRANCA, xa que, se se acaba o mundo ESTE PODERÍA SER O ÚLTIMO NÚMERO DE RETRANCA!!!... mercádeo antes de que todo se vaia a merda!!!... marchádevos ao outro mundo cun sorriso!!! ... ademais a revista é tan manexable que ata poderedes botar un polvo mentras a ledes!!!

A FODER E A LER QUE O MUNDO VAI MORRER!!!

Saúdos retranqueiros,
A Santa Compaña.

viernes, 4 de noviembre de 2011

4º CABODANO DA REVISTA RETRANCA


Este ano celebramos o noso 4º Cabodano uns días máis tarde (sempre o facemos a noite de Samaín), por mor da axenda do noso convidado de luxo, o Gran CARLOS BLANCO, que virá a darnos o pésame.

Xa batemos todos os récords, levamos 4 anos saíndo aos quioscos galegos, con intento de secuestro incluído e moitas dificultades. Pero, a pesar da crise e da que está caendo, aínda seguimos aquí dando guerra aos políticos, banqueiros e demais fauna.

Estamos pechando xa o número 33, que en breve chegará aos quioscos. 33 a idade de Cristo, seguro que desta vannos crucificar!!

É un número apocalítico e que o presentaremos na nosa festa mortuoria o vindeiro 17 de novembro ás 20 h. No Café Moderno de Pontevedra. O cartaz anunciador do cabodano daravos unha pista da temática do novo número da Retranca (a ver se acertades).

Estades todos/as convidados/as á vir celebrar con nós o noso 4º Cabodano, porque cando comezamos moitos foron os que auguraban a nosa morte, coitados... non sabían que xa estabamos máis alá do Alén. Moitas grazas por estar ahí, e por mercar a revista, que por desgraza é xa unha das pouquísimas publicacións en papel feitas en galego que se poden mercar nos quioscos (Salvámonos por que non dependemos de Subvencións... que se non).

Pois iso, vos seguide mercando Retranca, que nós faremos todo o posíbel por facervos rir.

Saúdos retranqueiros,
A Santa Compaña.

4º CABODANO DA REVISTA RETRANCA
Día: Xoves 17 de Novembro de 2011
Lugar: Café Moderno PONTEVEDRA
Hora: 20 h

miércoles, 3 de agosto de 2011

RETRANCA 32 # GALEG@S INDIGNAD@S



Chega o número 32 de RETRANCA, máis indignado cá nunca e cunha fantástica portada de MEL. Un número que naceu, ao igual cá o movemento 15M, no Facebook. Fixemos unha votación entre os lectores que nos seguides no Facebook e este foi o tema máis votado, así que pódese dicir que este número xestouse nunha asamblea ;)

Como ademais ocorreron outras cousas destacables nestas última semáns fixemos algunhas páxinas sobre elas...


1.- Un póster central sobre a desaparción do Códex Calixtinus... (lóxicamente esto é un fragmento, se queres atopalo terás que mercar a revista, que como non nos merquedes imos acabar igual que Xornal de Galicia ou a Nosa Terra ou Galiza Hoxe... nós dependemos de vós... non temos subvencións!!!)




2.-Unha páxina de Kohell sobre o famoso dicionario da historia que parece que o escribiu o mesmísimo Pío Moa... ou Losantos ou algúns dos piraodistas de Intereconomía.





3.- E ata algún chiste sobre o follón da Sgae. Da morte de Amy Winehouse, enterámosnos coa revista xa na imprenta, pero a verdade non é un tema de risa.


4.- Presentamos a Berto Fojo, un novo colaborador que retrata a todos os Indignados que saíron á rúa.



5.- E ademáis coa chegada dos novos alcaldes aos concellos comeza unha nova serie ALCALDE HONRADO (si, parece incrible pero algún aínda queda), de Víctor Rivas & Josep Busquet.



Xa vedes que este novo número ven repleto de cousas divertidísimas... así que correde ao quiosco a encargar o número Indignado da Retranca, chea de reivindicacións e de análises do acontecido dende as pasadas eleccións co movemento 15M.

Saúdos retranqueiros

A Santa Comapaña

lunes, 16 de mayo de 2011

RETRANCA Nº 31. ELECCIONS MUNICIPAIS 2011




Retranca chega o seu número 31 cunha auténtica Guía das eleccións municipais. Pero como sabemos que moitos políticos pódense aproveitar vilmente dos nosos trucos infalibles para captar votos e que ademais sabemos que o que sae en Retranca moitos lectores tómano en serio... decidimos que para non influir no resultado electoral, imos chegar aos quioscos despois das eleccións. Iso si, xa podemos adiantarvos o resultado electoral: GAÑARON TODOS OS PARTIDOS (coma sempre, ninguén vai admitir a súa derrota... vamos que as eleccións é o máis parecido aos concursos escolares... o importante é participar!!). Agardamos que vos divirta e sobre todo gardádeo que seguro que vos vai ser moi útil para as vindeiras eleccións.






Ademáis adiantámosnos a WIKILEAKS e publicamos as fotografías de BIN LADEN que o goberno dos EE.UU non nos quixo ensinar!!!







Saúdos Retranqueiros,

A Santa Compaña.

miércoles, 11 de mayo de 2011

APRENDE A DEBUXAR A FIZ!!!




RETRANCA EDITORA e a Libraría PAZ de Pontevedra convída a todos os nenos e nenas que a que veñan o vindeiro sábado 14 de maio ás 12 da mañá a aprender a debuxar a FIZ, o neno máis porco do mundo. Poderán ademais facerse cun exemplar da revista FIZ e levalo asinado por Kiko da Silva. Todos os nenos e nenas que participen no obradoiro, levarán un globo voador de FIZ de agasallo.


Inscríbete na Libraría PAZ, rúa Peregrina nº 29

teléfono 986 860 471 AFORO LIMITADO.


Ademais o domingo 15 de maio presentamos FIZ, a revista do neno máisporco do mundo, na feira do libro de A Coruña as 19 horas.

jueves, 5 de mayo de 2011

PRESENTACIÓN DA REVISTA FIZ, a revista do neno máis porco do mundo !!!


RETRANCA EDITORA e a librería MICHELENA, comprácense en convidalos á presentación da revista de banda deseñada para nenos: FIZ, A REVISTA DO NENO MÁIS PORCO DO MUNDO. Unha gran aposta pola bd infantil que conta cunha tiraxe de 5000 exemplares en galego para Galicia e 20.000 en castelán para o resto do Estado.


A presentación terá lugar o venres 6 de maio ás 20 horas na librería MICHELENA de Pontevedra. Haberá contacontos porcañentos e os nenos e nenas asistentes poderán levar un globo de agasallo e facerse cun exemplar da revista asinado!!!

En breve anunciaremos a dirección da web de FIZ!!!

Non faltedes!!! Saúdos retranqueiros

jueves, 3 de marzo de 2011

RETRANCA Nº 30: INAUGURAN A CIDADE DA CULTURA GALEGA BALEIRA !!!



COMEZAR A CASA POLO TELLADO...!!!

Custou catro veces máis do orzamentado pero xa está inaugurada a Cidade da Cultura, ben toda non, só unha parte, pero todo o mundo sabe o que lles gusta aos políticos inaugurar obras sen terminar. Está xa o megachabolo feito, pero aínda non saben que carallo van meter dentro. Polo de agora meteron unha biblioteca (que como é algo moi culto quedará moi mal o que proteste), pero en Retranca preguntámonos: se xa os editores falan de vender libros virtuais, de que o formato papel vai desaparecer nuns anos, non era mellor que gastasen os cartos en facer un servidor para arquivar datos on-line?. Pero o que máis nos sorprendeu foron as “xoias” da literatura galega que nos atopamos para facer vulto nesta biblioteca: guías de Cepsa, os marabillosos tochos sobre Fraga Iribarne, enciclopedias nas que aínda existe Iugoslavia, manuais de programación Basic e as xoias da literatura infantil e xuvenil “galega” Las aventuras de los cinco!!!

Só coñecemos a uns cidadáns galegos encantados con esta mole, e non son precisamente políticos, non... falamos dos skaters, que por fin viron realizado o seu soño de ter un sitio onde poder facer piruetas coas súas táboas.
Como vemos que non teñen nin idea con que encher o Gaiás fixemos este número de Retranca, o número 30 (si, si, para que logo digan que non chegariamos nin ao número 2!!), dámoslle a Feijoo unha chea de ideas para encher o supergarito.

As malas linguas dicían que a Cidade da Cultura era o mausoleo de Fraga, que quería que o enterrasen dentro ao ver que non podía ser enterrado no Panteón dos Galegos ilustres. Canto fala barato solto hai neste país carallo, co que está a recortar a Xunta os orzamentos en cultura, isto é un macro nicho para enterrar a cultura galega dentro!!
E para daquela, a misa xa se dará en “spanglish”.

Saúdos Retranqueiros.
A SANTA COMPAÑA

martes, 1 de marzo de 2011

RETRANCA NOMINADA Á MELLOR REVISTA NO 29º SALÓN DO CÓMIC DE BARCELONA


Señoras e señores...despois de máis de tres anos nos quioscos galegos, e con 30 números ás costas, unha revista galega e en galego (pero sen subvencións), consegue estar nominada na categoría de Mellor Revista no prestixioso Salón do Cómic de Barcelona.

Moitas grazas a todos/as que nos votaron. Para nós isto xá todo un premio, agora a sorte está botada!!!

Por outra banda, todos os nosos lectores que nos queiran votar nos Premios Populares poden facelo pinchando AQUÍ.


Saúdos Retranqueiros,
A Santa Compaña.

viernes, 31 de diciembre de 2010

REVISTA RETRANCA Nº 29 CON QUEN CARALLO ESTÁ FALANDO FEIJOO???



Descubre con quen está falando "Frijolito" no teu quiosco !!!
FELIZ ANO 2011 (A ver se é bo que no 2012 chega o fin do mundo!!!)

Saúdos Retranqueiros,
A Santa Compaña.